الإنتاج الإعلامي والتصوير - أول ثانيتين بيحسموا كل حاجة
الفيديو الحلو اللي محدش بيكمّله، أغلى من الفيديو العادي اللي الناس بتبعته لبعض.
فيه فرق كبير بين شركة إنتاج بتصوّر فيديو جميل، وشركة إنتاج بتصوّر فيديو بيشتغل على المنصة. التانية بتعرف إن ريل إنستجرام بيتشاف من غير صوت في المواصلات، فبتكتب عليه. وبتعرف إن إعلان تيك توك اللي بيبدأ باللوجو بيتعدّى، فبتبدأ بالمشكلة. وبتعرف إن صورة المنتج على المتجر لازم تتشاف واضحة في مربع صغير على موبايل.
عشان كده السكريبت عندنا بيتكتب جنب فريق الإعلانات، مش بعيد عنه، وكل فيديو بيطلع منه نسخ بمقاسات وأطوال مختلفة جاهزة للاختبار. كاميرات احترافية وإضاءة ومونتاج وتلوين، بس الأهم من ده كله: فكرة بتوقّف الإصبع. والفيديوهات اللي بتكسب في الاختبار بتاخد ميزانية أكبر، واللي بتخسر بتتعلم منها وتستبدلها — بالأرقام مش بالذوق.
ريلز وفيديوهات قصيرة
محتوى رأسي بإيقاع المنصة، بهوك في أول ثانية وكابشن مقروء من غير صوت.
إعلانات فيديو
سكريبت وتصوير ومونتاج لإعلانات بتتحاسب بالأداء، بنسخ متعددة للاختبار.
تصوير منتجات
صور للمتجر والكتالوج والسوشيال بخلفيات نظيفة ولقطات استخدام حقيقية.
فيديوهات الشركات والفعاليات
فيلم تعريفي، وتغطية مؤتمرات ومعارض، ومقابلات مع فريقك وعملاءك.
- مناسبة لـ
- أي براند بيعلن أو بيبيع على السوشيال
- المدة التقريبية
- من 5 أيام لـ3 أسابيع حسب الإنتاج
- بنتحاسب على
- نسبة المشاهدة الكاملة وتكلفة النتيجة
